Camino de invierno
invierno
PONFERRADA – BORRENES (21KM)
Saímos do castelo de Ponferrada. No cruceiro imos polo Camiño de Inverno. A etapa pasa por Toral de Merayo, Villalibre de la jurisdicción, Priaranza del Bierzo e Santalla. Alí hai un mirador. Despois hai unha forte subida a Villavieja e ao Castelo de Cornatel. Final en baixada ata chegar a Borrenes.
BORRENES – PUENTE DE DOMINGO FLOREZ (15 KM)
Saimos de Borrenes. Imos polo Camiño Real. Despois de varios tramos por camiños de terra, a ruta vai pola estrada ata As Médulas. Merece a pena visitar este lugar patrimonio da humanidade e facer a ruta dos miradores de 6,1 km. Despois baixada longa ata Puente de Domingo Flórez onde remata a etapa.
PUENTE DE DOMINGO FLOREZ – O BARCO (18 KM)
Saímos do casco histórico de Puente de Domingo Flórez. Pasamos por Pumares. Imos a carón do río Sil vendo bonitas paisaxes ata Sobradelo. Despois un tramo por estrada, chegamos a Éntoma que conta cunha ponte de posible orixe romana. A etapa segue ata o Barco de Valdeorras rematando no malecón.
O BARCO – A RÚA (15KM)
Saímos do malecón no Barco de Valdeorras. Imos a carón do río Sil con fermosas paisaxes. Pouco despois chegamos a Vilamartín de Valdeorras. Despois continuamos por esta terra de viñedos ata chegar á Rúa. Polo seu casco histórico pasamos primeiro pola igrexa de San Roque e despois pola igrexa de Fontei. Nos arredores está a ponte de orixe romana da Cigarrosa.
A RÚA – QUIROGA (28 KM)
Saímos de A Rúa. No km7 chegamos a Albaredos. Despois pasamos por Montefurado onde está a igrexa de San Miguel. Saíndo en subida, vemos ao lonxe a pena furada polos romanos no río Sil. A etapa segue por Hermidón e Bendilló. Máis adiante pasamos polo castelo de Novaes e finalmente chegamos a Quiroga.
QUIROGA – A POBRA DO BROLLÓN (24 KM)
Saímos do albergue de Quiroga. Pasamos por San Clodio, Nocedo e Carballo de Lor. Pouco despois cruzaremos o río Lor pola ponte de Barxa de Lor. Esta ponte é de orixe romana e ten tres arcos. Logo iremos en ascenso ata Castroncelos. A parte final descende lixeiramente ata chegar á Pobra do Brollón.
A POBRA DO BROLLÓN – MONFORTE (15 KM)
Saímos da casa do Concello da Pobra do Brollón. Ao pouco de saír imos por un sendeiro ao carón do río Saá. Logo pasaremos polo cruceiro de Cereixa e Rairós. Máis adiante imos por unha pista forestal que sobe ao “Alto da Serra” do monte Moncay. Descendemos pasando por Reigada e arribando a Monforte.
MONFORTE – DIOMONDI (23KM)
Saímos da torre da homenaxe en Monforte. Baixamos polo casco histórico e cruzamos o río Cabe pola ponte medieval. Continuamos á beira da estrada por A Vide, a igrexa de Moreda e polo pazo de O Reguengo. Uns tramos de camiño entre valados. Fin de etapa despois de pasar Cirdeiro na igrexa de Diomondi.
Diomondi – Penasillás (18 km)
Saímos da igrexa de Diomondi. Baixamos por camiños empedrados entre soutos e carballeiras. En Belesar cruzamos a ponte sobre o río Miño. Subimos vendo a fermosa paisaxe dos bancais con viñedos. Pasamos por Líncora e chegamos a Chantada. Continuamos por Centulle, Casasoa e chegamos a Penasillás.
Penasillás – Rodeiro (18 km)
Saímos da igrexa e do peto de ánimas de Penasillás. Ascendemos ao monte do Faro con fermosas vistas panorámicas. Na cima é interesante facer o vía crucis e ver a capela adicada á Virxe. Despois baixada e paso polo Pazo de Camba e polos pendellos de Río. Finalizamos a etapa no Concello de Rodeiro.
Rodeiro – Lalín (22 km)
Saímos do Concello de Rodeiro. Pasamos pola ponte do Hospital. Imos a carón do río Arnego disfrutando da paisaxe e do son da auga. Despois por Penerbosa e pola ponte de Pedroso. Seguimos polo coto da Anta e por Palmaz. Entramos a Lalín pola igrexa de Lalín de arriba e fin de etapa en Lalín.
Lalín- Silleda (14 km)
Saímos da praza da igrexa de Lalín. Imos polo Paseo do río Pontiñas. Pasamos por Espiño e o Polígono industrial. Chegamos á Laxe e xunto do albergue o Camiño de Inverno encóntrase co Camiño Sanabrés. Seguimos por Bendoiro, Prado, e Ponte Taboada. Pasamos polo pazo de Trasfontao e chegamos a Silleda.
Silleda – Outeiro (23 km)
Saímos da igrexa de Silleda. Pasamos por O Foxo, Chapa e Bandeira. 5 quilómetros despois chegamos a Dornelas e a súa igrexa románica. Seguimos por San Miguel de Castro e baixamos a Ponte Ulla. O final da etapa é en ascenso pasando pola igrexa e fonte de Santiaguiño do monte e chegando a Outeiro.
Outeiro – Santiago (16 km)
Saímos de Outeiro. Pasamos vendo o Pico Sacro polo cruceiro de Lestedo. Seguimos por Rubial, A Susana, Piñeiro, a Ermita de Santa Lucía e Angrois. Cruzamos o río Sar xunto a Colexiata do Sar. Entramos pola porta de Mazarelos e polas rúas de Santiago imos á praza do Obradoiro diante da catedral